Zhduket Bujanocasi në Zvicërr, kishte lënë një takim nëpërmjet facebook-ut!

199

20150521160358559620Shqiptari 17-vjeçar Ilir Samet Mustafi i cili vuri në lëvizje të gjithë të afërmit, prindërit, shoqërinë por edhe njerëz të famshëm, nuk është rrëmbyer, ai është larguar për t’u gjetur vetveten.

Adoleshenti me prejardhje nga Nesalca e komunës së Bujanocit, e me banim në Cyrih të Zvicrës, Ilir (Samet) Mustafi, u shpall i humbur nga e hëna, por vendndodhja e tij u zbulua ditën e djeshme.

Sipas të afërmve, ai kishte lënë një takim me një femër të panjohur në Facebook dhe pasi kishte dalë për ta takuar nuk ishte kthyer më.

Familjarët dyshonin se 17-vjeçari mund të kishte rënë pre e ndonjë mashtrimi nga femra e panjohur. Pas alarmit të familjarëve, të policisë dhe personave që u sensibilizuan me ngjarjen, Ilir vendosi të shfaqej duke i qetësuar të gjithë.

“Unë nuk jam takuar me ndonjë mashtrues dhe as nuk jam rrëmbyer. Unë preka fundin, nuk isha i lumtur dhe në kërkim të vetvetes”, shkruan në letrën që mban në duar Iliri, të cilin e postoi në “Instagram”.

Media zviceriane “Blickamabend” shkruan se, ai kishte marrë para dhe ishte larguar, tani jetonte me një çift të moshuar në një fermë jashtë Zvicrës.

“Unë thjesht nuk dua më që të urrej gjithçka, ndërkohë që një zë më thoshte: Unë duhet të gjej veten”, shkruan Iliri. Adoleshenti shqiptar shprehet se e ka kaluar një jetë të shurdhër, duke pirë shumë alkool, duke gënjyer, mashtruar dhe duke i mashtruar të gjithë. “Kam pasur gjithnjë e më shumë ndjenja se isha një djall në kontroll”.

Tashmë ai është larguar dhe është duke u afruar gjithnjë e më shumë me Perëndinë. “Unë përjetoja kohën më të rëndësishme në jetën time dhe të pjekurin e mendjes. Unë shoh se çdo gjë mund të kontrollohet, nëse dikush bën një përpjekje për t’ia përkushtuar veten Perëndisë”, shkruan 17-vjeçari.

Ai i kërkon falje prindërve të tij dhe ka një kërkesë për të gjithë ata që morën pjesë në kërkimin e tij: “Ju lutem sigurohuni që t’i ndaloni frikën familjes sime. Unë do të kthehem”./LuginaLajm/




Leave a Reply

Your email address will not be published. Required fields are marked *