Werder me komunikatë zyrtare për Rashicën, sulmuesi i Kosovës mund të mungojë gjatë

90

Sezoni ka nisur në mënyrën më të keqe të mundshme për Milot Rashicën.

Sulmuesi i Kombëtares së Kosovës, Milot Rashica, është lënduar në ndeshjen e parë në Bundesliga për sezonin 2019/20.

Ai u detyrua të lërë fushën e lojës në minutën e 65’ për shkak të një problemi në kofshë, ndeshje të cilën e humbi 1-3 Werderi nga Fortuna Düsseldorf.

Këtë e ka konfirmuar edhe klubi përmes llogarisë zyrtare në “Twitter”, duke treguar se testet tjera në ditët në vazhdim, do të tregojnë për shkallën e dëmtimit.

Megjithatë, sipas Kicker, nuk bëhet fjalë për një lëndim të lehtë.

Kicker raporton se 22-vjeçari i Kombëtares së Kosovës mund ta ketë shqyer muskulin, çka do të thotë se mund të mbesë jashtë fushave për disa muaj. 




Leave a Reply

Your email address will not be published. Required fields are marked *