Vuçiq pas vendimeve të Qeverisë së Kosovës për targat dhe dokumentet: E kanë mbështetjen e fuqive perëndimore

Pas vendimit të fundit të Qeverisë së Kosovës, ku obligon të regjistrohen në RKS targat e komunave paralele, dhe reciprocitet për letërnjoftim, është presidenti serb, Aleksandar Vuçiq ai i cili i është drejtuar popullit serb.
“Ne jemi gjithmonë të gatshëm për dialog, ndërsa disa të tjerë nuk kanë qenë kurrë të gatshëm për një bisedë thelbësore dhe kanë mbështetjen e fuqive perëndimore”, tha ai aktualisht në Tanjug, transmeton klankosova.tv.

Ata janë plotësisht të mbështetur nga Britania e Madhe dhe Gjermania, tha Vuçiq, duke iu referuar autoriteteve dhe Qeverisë së Kosovës.
”Ata morën dy vendime në institucionet e tyre të përkohshme. Njëri ka të bëjë me ndalimin e kartave të identitetit në hyrje të krahinës, dhe vendimi tjetër është një vendim me qëllimin e vetëm për të dëbuar serbët nga veriu, për të krijuar një stuhi të re dhe për të bërë fushatë me vite për t’i detyruar serbët të pranojnë targat e tyre”, tha ai.

Leave a Reply

Your email address will not be published.