Rama mbërrin në Beograd, pritet nga Daçiq (Video)

167

Kryeministri Edi Rama, i shoqëruar nga një delegacion mbërriti në aeroportin e Beogradit, ku u prit nga ministri i jashtëm serb, Ivica Daçiq. 
Per Ramen ishte organizuar nje ceremoni nderi ne aeroportin e Beogradit. Me pas kryeministri u drejtua drejt kryeqytetit, ku do te takohet me kryeministrin Vuçiç.
Nga raportimet e fundit mesohet se flamuj shqiptare valeviten ne qender te Beogradit, por mungesa e tyre eshte vene re ne aeroport dhe ne rrugeve te kryeqytetit.
Gazetari i Top Channel në Beograd, Idro Seferi njoftoi se janë rreth 200 gazetarë që do e ndjekin këtë ngjarje historike dhe 3000 policë që do të sigurojnë rendin gjatë kësaj vizite.
Është parashikuar nënshkrimi i tri marrëveshjeve mes dy vendeve; një për doganat, një që shqiptarët dhe serbët të udhëtojnë me karta identiteti dhe një për bashkëpunimin rinor, por konfirmime zyrtare ende nuk ka.
Në orët e mbrëmjes Kryeministri Rama pritet të vizitojë Bashkinë e Beogradit ku do të takohet me kryebashkiakun Sinisha Mali me të cilin do të ketë një bisedë joformale.
Të martën Kryeministri Rama do të vizitojë Preshevën ku do të takohet me udhëheqësit shqiptarë, ndërkohë që do të ketë edhe një takim me qytetarët në Pallatin e Kulturës.
Mediat serbe i kanë kushtuar një rëndësis të veçantë vizitës së tij në Preshevë duke cituar Ministrin e Jashtëm, Ivica Daçiç që tha se nuk është problemi tek vizita e Ramës në Preshevë, por tek mesazhi që ai do të përcjellë./Top Channel/ – /LuginaLajm/

Video:




Leave a Reply

Your email address will not be published. Required fields are marked *