Presidenti Thaçi: E drejta e përfshirjes së Preshevës, Bujanocit dhe Medvegjës me Republikën e Kosovës është legjitime

276

Presidenti i vendit, Hashim Thaçi, përmes një statusi në llogarinë e tij në Facebook, ka shkruar sërish për të drejtën e përfshirjes së Preshevës, Bujanocit dhe Medvegjës me Republikën e Kosovës.

Ai ka shkruar se përpjekja e tij ka ndalur së realizuari angazhimet e sofistikuara që veriu i Kosovës t’i dorëzohet Milan Radojçiqit, fillimisht pasuria e Trepçës, për të vazhduar me transformimin e pasurive shtetërore në ato komunale, ndërsa edhe më tej beson fuqishëm në bashkimin e Luginës së Preshevës me territorin e Komunës së Preshevës.

Ja edhe postimi i plot i presidentit të Kosovës, Hashim Thaçi:

E drejta e përfshirjes së Preshevës, Bujanocit dhe Medvegjës me Republikën e Kosovës është legjitime, korrigjim i padrejtësive historike dhe siguri për qytetarët e asaj treve për të jetuar në trojet e tyre.

Kjo përpjekje ka ndalur së realizuari angazhimet e sofistikuara që veriu i Kosovës t’i dorëzohet Milan Radojçiqit, fillimisht pasuria e Trepçës, për të vazhduar me transformimin e pasurive shtetërore në ato komunale (katër komunat e veriut) dhe, po ashtu, ka parandaluar planet për sovranitet të dyfishtë dhe asociacion me mandat ekzekutiv, modeli i Republikës Serbe, pra autonomi rajonale.

Vazhdoj të besoj fuqishëm se Lugina e Preshevës duhet t’i bashkohet Kosovës dhe për arritjen e këtij qëllimi ne duhet të jemi të bashkuar. Humbja eventuale e kësaj mundësie, do të jetë gabim historik i pariparueshëm!




Leave a Reply

Your email address will not be published. Required fields are marked *