Parlamenti i Serbisë sot filloi punimet me një minutë heshtje për “viktimat e agresionit të NATO-s”

390

Parlamenti i Serbisë ka mbajtur sot mbledhje të rregullt por deputetët serbë kanë folur vetëm për intervenimin e NATO-s.

Kryetari i Parlamentit të Serbisë, Ivica Daçiq, i ka ftuar deputetët në mbledhjen që i ra në 22 vjetorin e fillimit të fushatës së bombardimeve të NATO-s që të mbajnë një minutë heshtje “për të nderuar të gjitha viktimat”.

“Mund të falim, por nuk guxojmë të harrojmë”, ka thënë Daçiq.

Kryetari i Kuvendit të Serbisë, Ivica Daçiq, është shprehur se do të dëshironte t’ua kthente atyre që e kanë bombarduar Serbinë.

“Do të isha më i lumturi sikur të mund t’ua kthenim, por pasi nuk mundemi, atëherë vazhdojmë tutje”, u shpreh Daçiq.

Deputetë serbë thanë se politika e Slobodan Milosheviqit ka qenë vetëm arsyetim i rrejshëm për bombardimet dhe se 22 vite më vonë Serbia vuan të njëjtat rrethana.

Ivica Daçiq ka qenë zëdhënës i Partisë Socialiste të Serbisë në vitin 1999 dhe është konsideruar një nga njerëzit më të afërt të Slobodan Milosheviqit.




Leave a Reply

Your email address will not be published. Required fields are marked *