OSBE organizon kurs të gjuhës shqipe në Bujanoc, fton të gjithë kandidatët e interesuar

248

Nëpërmjet një postimi në faqen zyrtare në facebook, Misioni i OSBE-së në Serbi, bënë të ditur se do të organizojë kurs të gjuhës shqipe për të interesuarit nga komunat Bujanoc dhe Preshevë.

Në njoftimin e publikuar sot, thuhet: “Misioni i OSBE-së në Serbi fton qytetarët e interesuar të komunave Bujanoc dhe Preshevë të aplikojnë për kursin e lirë të gjuhës shqipe. Kursi do të realizohet në maj nëse ka mjaft kandidatë të interesuar.

Orët do të mbahen dy herë në javë në ambientet tona në Bujanoc. Kandidatët e interesuar duhet të dërgojnë një mesazh që përmban një shpjegim të shkurtër të motivimit për ndjekjen e kursit në ivica.stamenovic@osce.org deri më 30 prill. Përparësi në përzgjedhjen do të jenë kandidatët që janë të punësuar në administratën shtetërore” – thuhet në njoftimin e publikuar nga Misioni i OSBE-së në Serbi.

Megjithate, kjo nuk është hera e parë që OSBE organizon kurs të gjuhës shqipe në Bujanoc. Edhe më herët ky mission pati organizuar kurse të gjuhës angleze dhe serbe në Bujanoc./LuginaLajm/




Leave a Reply

Your email address will not be published. Required fields are marked *