Mediat bullgare: Para derës së autobusit u gjet e djegur një grua me dy fëmijët në krahë

431

Mediat bullgare: Para derës së autobusit u gjet e djegur një grua me dy fëmijët në krahë.

Nga aksidenti tragjik që ndodhi në orët e para të mëngjesit të sotëm, mbetën të vdekur 46 persona dhe 7 të tjerë të lënduar.
Në mesin e viktimave janë edhe 12 të mitur, 2 nga të cilët janë binjakë.
Sipas raportimeve nga mediat bullgare, thuhet se të gjitha viktimat janë djegur, nga shpërthimi i autobusit.
“Para derës së mesme të autobusit është një grua e djegur me dy fëmijë në krahë, me siguri binjakë, thanë hetuesit në vendngjarje për gazetarin tonë. Ata aktualisht janë duke kontrolluar për karburant shtesë, benzinë, sepse nafta është e vështirë të shpërthejë, dhe autobusi ishte me naftë. Një nga të mbijetuarit i tha kryeministrit maqedonas se ishin zgjuar nga një shpërthim i fuqishëm. 46 persona janë djegur të gjallë në një autobus në autostradën e Strumës në orën 02:00 të mëngjesit të sotëm”, shkruajnë mediat bullgare.
Ndryshe, ende nuk dihen shkaqet që kanë çuar deri te aksidenti tragjik ku mbetën të vdekur 46 shqiptarë nga Maqedonia e Veriut dhe 7 të tjerë të lënduar.




Leave a Reply

Your email address will not be published. Required fields are marked *