Johnson&Johnson fillon furnizimin e BE-së me vaksina

Johnson & Johnson të hënën filluan shpërndarjen e vaksinës së saj me dozë të vetme kundër COVID-19 në vendet e BE-së, thanë zyrtarët e Bashkimit Evropian dhe kompania.

Kompania fillimisht kishte planifikuar të fillonte dërgesat e saj në fillim të prillit, por vonoi shpërndarjen për shkak të çështjeve të prodhimit.

“Dozat e para po largohen nga depot për vendet anëtare sot”, ka thënë një zëdhënës i Komisionit Evropian të hënën një konference shtypi, shkruan Reuters, përcjell Telegrafi.

“Johnson & Johnson fillon dërgesat e vaksinave në BE sot. Një lajm shumë i mirë”, ka vlerësuar Peter Liese, një ligjvënës i BE-së nga e njëjta parti me Kancelaren gjermane Angela Merkel.

Kompania amerikane është zotuar të japë 55 milionë doza për vendet e BE-së deri në fund të qershorit dhe 120 milionë të tjera në tremujorin e tretë, kishte thënë më parë komisioneri i industrisë së BE-së Thierry Breton.

Edhe një zëdhënëse e Johnson & Johnson ka konfirmuar se filloi dërgesat të hënën në vendet e BE-së, Norvegjia dhe Islanda, por nuk pranoi të komentonte mbi furnizimet për prillin dhe tremujorin e dytë.

Është thënë se kjo kompani synon të ofrojë 200 milionë doza në vitin 2021 në BE, Norvegji dhe Islandë. /Telegrafi/

Leave a Reply

Your email address will not be published.