Enver Hoxhaj pas takimit me Shqiprim Arifin: ‘I premton pasaporta të Kosovës preshevarëve nga restorant “Pinochio”’

402

Ish-zëvendëskryeministri Enver Hoxhaj, ka takuar kryetarin e Preshevës, Shqiprim Arifin, të cilit u ka premtuar se qytetarët e Luginës së Preshevës do t’i pajis me pasaporta të Republikës së Kosovës. Por, një premtim të tillë Hoxhaj nuk e bëri në Preshevë, por nga restorant “Pinochio” në Prishtinë, raporton portali “Front Online”.

Hoxhaj përmes “Facebookut” ka njoftuar se ka diskutuar me të parin e Preshevës për sfidat me të cilat përballen qytetarët e Luginës së Preshevës.

Hoxhaj ka shkruar se qeveria e re e udhëhequr nga PDK-ja do të luftojë fushatën e egër të Serbisë ndaj shqiptarëve të Luginës.

“Qeveria e re e udhëhequr nga PDK do të luftojë me të gjitha rrugët diplomatike fushatat e egra të Serbisë ndaj shqiptarëve në Luginën e Preshevës, përfshirë atë të fshirjes së adresave”, ka shkruar Hoxhaj. /Front Online/




Leave a Reply

Your email address will not be published. Required fields are marked *