E FUNDIT: Arrihet marrëveshja për targat në Bruksel

Kosova dhe Serbia, të mërkurën mbrëma kanë arritur marrëveshje për targat, në Bruksel.

Përfaqësuesi i Lartë i BE-së për politikë të jashtme, Josep Borrell, ka bërë të ditur se kryenegociatorët e Kosovës dhe të Serbisë, nën lehtësimin e BE-së, kanë rënë dakord për masat, për të shmangur përshkallëzimin e mëtejshëm dhe për t’u përqendruar plotësisht në propozimin për normalizimin e marrëdhënieve mes tyre.

“Serbia do të ndalojë lëshimin e targave me emërtimet e qyteteve të Kosovës dhe Kosova do të ndërpresë veprimet e mëtejshme në lidhje me riregjistrimin e automjeteve”, tha ai.

Tutje ka ftuar palët që në ditët në vijim të diskutojnë hapat e ardhshëm.

“E falënderoj përfaqësuesin special Miroslav Lajçak palët për punën e palodhur”, tha Borrell.

Ambasadori i Kosovës në Bruksel, Agron Bajrami, ka thënë se pas shumë orësh bisedime, Kosova ka arritur objektivin.

“Pas orëve të gjata, arritëm objektivin tonë: Kemi një marrëveshje! Tani mund të fillojnë bisedimet intensive për normalizimin e plotë”, shkroi Bajrami në Twitter./Telegrafi/

Leave a Reply

Your email address will not be published. Required fields are marked *