Bujanoci përfiton mjete nga konkursi për zvoglimin e konsumit të energjisë

Nëpërmjet një njoftimi në faqen zyrtare, Komuna e Bujanocit, ka bërë të ditur se ka mjete nga programin mbi zvogëlimin e konsumit të energjisë.

Sipas këtij njoftimi, sot është nënshkruar kontrata për shpërndarjen e mjeteve nëpër buxhetet të pushteteve lokale, ku në emër të Komunës së Bujanocit, kontratën e ka nënshkruar Fazila Azemoviq, kryeshefe për investime pranë Administratës komunale të Bujanocit, derisa në emër ministrisë, kontratat i ka nënshkruar zëvendëskryeministrja dhe ministrja e minierave dhe energjisë, Zorana Mihajloviq.

Në njoftim, thuhet:

Komuna e Bujanocit, sipas fondeve të aprovuara nga ftesa publike e Ministrisë së Minierave dhe Energjisë, sot nënshkroi Kontratën për alokimin e fondeve për vetqeverisjet lokale për të rritur efikasitetin e energjisë për banesat, shtëpitë private dhe apartamentet.

Zëvendëskryeministrja dhe Ministrja e Minierave dhe Energjisë, Prof. Dr. Zorana Mihajloviq, deklaroi në Kraljevë se nënshkrimi dhe lidhja e kontratës për alokimin e fondeve vetqeverisjeve lokale për të rritur efikasitetin e energjisë është fillimi i realizimit të qëllimit nacional për zvogëlimin e konsumit të energjisë elektrike dhe nxehtësisë.

Thirrja publike ka zgjatur një muaj, dhe të gjitha kriteret e nevojshme u përmbushën nga 67 vetqeverisje lokale, përfshirë Komunën e Bujanocit.

Thirrja e parë publike u drejtohet kompanive që do të duhet të plotësojnë kushtet, pra që garantojnë çmimin, afatet dhe cilësinë. Afati i fundit që komuna mund të shpallë thirrjen publike për kompanitë është 10 korrik. Hapi tjetër është thirrja publike për qytetarët që janë të interesuar në këtë projekt.

Në emër të Komunës së Bujanocit, Marrëveshja u nënshkrua nga kryeshefja e Departamentit për Investime dhe Zhvillim, znj. Fazila Azemović.

 

Leave a Reply

Your email address will not be published.