Bujanoc: Nga një aksident trafiku, biçiklisti(22) pëson lëndime të rënda trupore

144

Mbrëmjen e së enjëtes, në një aksident trafiku në Bujanoc, një drejtues i biçikletës ka pësuar lëndime të rënda trupore.

Aksidenti ka ndodhur në rrugën Bekim Fehmiu (ish Petra Drapshina), në Bujanoc, derisa një veturë e tipit “Opel Vectra” me targa BU, ka goditur një biçikletë, të cilën po e drejtonte 22 vjeçari.

I aksidentuari , pas goditjes së marrë nga vetura, me urgjencë është dërguar në Spitalin e Vranjës, e më pas, për në Qendrën Klinike në Nish për reanimacion.

Jo zyrtarisht Lugina-Lajm, ka mësuar se ngasësi i veturës, është një 25 vjeçar serb nga fshati Lilancë i komunës së Bujanocit, ndërsa i lënduari nga qyteti i Bujanocit./Lugina-Lajm/




Leave a Reply

Your email address will not be published. Required fields are marked *