Bernard Challandes, e ka bërë publike listën e futbollistëve për ndeshjet miqësore të muajit qershor – aty është edhe tërnocasi Bashkim Ajdini

Përzgjedhësi i Kombëtares së Kosovës, Bernard Challandes, e ka bërë publike listën e futbollistëve për dy ndeshjet miqësore të muajit qershor.

Në listë janë edhe disa emra të rinj, të cilët për herë të parë do ta veshin fanellën e Kombëtares dardane. Aty është edhe tërnocasi Bashkim Ajdini i cili për herë të parë do të vesh fanellën e përfaqësueses së Kosovës.

Dardanët, fillimisht do të luajnë në stadiumin “Fadil Vokrri” më 1 qershor kundër San Marinos, derisa më 4 qershor do të përballen me Maltën në Klagenfurt të Austrisë. Stërvitja e parë është paraparë për të premten (më 28 maj) në stadiumin “Fadil Vokrri” në orën 20:00.

Lista e plotë e lojtarëve të ftuar:

Portierë: Samir Ujkani, Arijanet Muric, Visar Bekaj.

Mbrojtës: Mërgim Vojvoda, Amir Rrahmani, Fidan Aliti, Ibrahim Dresevic, Betim Fazliji, Destan Bajselmani.

Mesfushorë: Bashkim Ajdini, Hekuran Kryeziu, Herolind Shala, Besar Halimi, Idriz Voca, Blendi Idrizi, Lorik Emini, Milot Rashica, Zymer Bytyqi.

Sulmues: Lirim Kastrati, Valmir Sulejmani, Arbër Zeneli, Vedat Muriqi, Astrit Selmani.