Ani Bujanovca,kerdjape putaribe e ofisesko e themutne deputetesko Fatmir Hasani

209

imageAno objekti e komunake administraciake,avdive oficijalno kerdjape putaribe  e themutne deputeteske, Fatmir Hasani.

Ko putaribasko solemniteti e ofisesko,sine prezenti o sherutne epolitikake kotar .lokali,albancja,thaj ,srbja  kola dindje semnipe sar but so trebella,thaj harindja o putaribe deputeteske ofiseske.

Ivo Collovic, koordinatori e projektesko”O Manusha ko angllune thana” lengarde kotar “O Centro vash o mukhlje  izbiriben thaj e demokracija.”vakerdja so avdive putardjolla e deputetesko ofisi ani Bujanovca, o deshudujto ani Srbija,finansirime kotar o UASID – i thaj dindjape teknikano shajipen kotar o NDI thaj o CESID -i.

O cillo e putaribasko e deputetesko ofisi ani Bujanovca,si so o dizutne  te ovell ljen kontaktja direktnae themutne deputeteja,so e Bujanovcake si akava but llache, so jek tikoro foro sar e Bujanovca,so isi angllo ljende  duj themutne deputetja’- deklarisinja o Colovich.

Tari aver rig,korkoro o deputeti Fatmir Hasani deklarisindja so akava ofisi ka dell shajipen e dizutnenge ani komuna e Bujanovcaki, direktna kontaktja e themutne deputeteja.

“Akava ofisi ka dell shajipen e dizutnenge  te mothaven ple problemja, thaj katane keribaja buti  avere deputeteja thaj e lokalno parlamenteja,katane ka kera buti te  faisinelpe o problemora”.- deklarisindja o Hasani.\Lugina-Nevipen\




Leave a Reply

Your email address will not be published. Required fields are marked *